ROFUS sunaava?

ROFUS tassaavoq aningaasanoortartunut nammineq kajumissutsiminnik mattunneqartunut Spillemyndigheden-ip nalunaarsuiffia Aningaasanoortarnerpit unitsikkallarnissaa kissaatigigukku, MitID atorlugu ROFUS-imi nammineq kajumissutsimik nalunaarsortissinnaavutit.

Aningaasanoorutinik tuniniaasartut Spillemyndigheden-imit akuersissuteqartut internet-ikkut aningaasanoornernik tuniniagaannit tamaginnit kiisalu Danmarkimi ornigulluni aningaasanoortarfinnit aammalu pisiniarfinni eqquiniaasarfinnit tamaginnit ROFUS-ip mattutissavaatit.

ROFUS-imi nalunaarsorsimaneq inummut tunngasuuvoq, taamaattumillu imminut taamaallaat nalunaarsortissinnaavutit.

Qanoq sivisutigisumik aningaasanoorutit unitsikkallarniarnerlugit toqqaruk

Mattunneqarnerit qanoq sivisutigissanersoq ROFUS-imi toqqarsinnaavat:

Nalunaaquttap akunneri 24-t
Qaammatini 1-imi, 3-ni imaluunniit 6-ini
Ataavartussamik mattunneqarneq

Taavami peqqissimilissaguit?

ROFUS-imi nalunaarsorsimaneq pisussaaffiliivoq. Nalunaarsorsimanerpit peerneqarsinnaanginnera ROFUS-ip nukittoqutigaa – aamma peqqissimileraluaruilluunniit.

Nalunaaquttap akunnerini 24-ni, qaammatini 1-imi, 3-ni imaluunniit 6-ini imminut mattussimaguit, piffissaq naappat mattunneqarnerit ingerlaannartumik atorunnaarsinneqassaaq.

Ataavartussamik mattutsinnissaq toqqarsimagukku, siusinnerpaamik ulloq nalunaarsorneqarnerup kingorna ukiup ataatsip qaangiunnerani nalunaarsorsimanerit peeqqullugu Spillemyndigheden qinnuigisinnaavat. Taamaaliussaatit MitID atorlugu ROFUS-imut iserlutit. Sivikinnerpaamik ullut 7-it sivisunerpaamillu ullut 30-t qaangiunneranni ROFUS-imut iseqqillutit qinnuiginninnerit uppernarsassavat.

MitID atornagu nalunaarsortigit

ROFUS-imi nalunaarsortinniarlutit MitID atorlugu iseqqaassaatit. MitID-mik peqanngikkuit immersugassaq nr. 9-01 immersorlugu ROFUS-imi nalunaarsortissinnaavutit

ROFUS-imi nalunaarsortigit (immersugassaq 9-01)

Immersugassaq immersoreerukku attaveqarnissamut immersugassaaterpu t atorlugu taanna Spillemyndigheden-imut nassiutissavat imaluunniit uunga:

Spillemyndigheden
Lerchesgade 35, 6
5000 Odense C

Teknikkikkut kukkuneq

ROFUS-imi teknikkikkut ajornartorsiuteqarlutit misigigukku, attaveqarfigissagitsigit kissaatiginartorujussuuvoq, taamaalilluta ajornartorsiut aaqqiivigisinnaagatsigu.

Aningaasanoorutinit mattunneqarsimanerpit nalaani naatsorsuutiginngisarnik aningaasanoornermut kontumik pilersitsisinnaallutit, aningaasanoornermut kontumut isersinnaallutit imaluunniit aningaasanoorutinik tuniniaasartumit ussassaarutinik toqqaannartumik tigusisarlutit misigigukku, attaveqarfigissagitsigut kaammattuutigaarput.

Eqqumaffigissavat Spillemyndigheden ROFUS-imi teknikkikkut kukkuneqarsinnaanera sillimaffigimmagu, taamaalillunilu tamatumunnga akisussaatinneqarsinnaanani.