ROFUS pillugu apeqqutit apeqqutigineqarnerusartut
ROFUS pillugu apeqqutissatit akissutissarsikkit
Internet-ikkut aningaasanoortarfiit Spillemyndigheden-imit akuersissummik peqarlutik aningaasanoorutinik tuniniaasartunit neqeroorutigineqartut kiisalu Danmarkimi pisiniarfinnut ornigulluni aningaasanoortarfiit eqquiniaasarfiillu.
Aningaasanoorutinik neqerooruteqartartut allattorsimaffiat takuuk
ROFUS-imi nalunaarsuineq isertuussassaavoq.
Taamaattoq aningaasanoorutinik tuniniaasartut, ROFUS-imi pineqartunut ilaasut, pisuni makkunani nalunaarsortissimanerit pillugu paasissutissanik pissarsisinnaapput:
- Aningaasanoornermut kontornut iserniarsariguit imaluunniit aningaasanoornermut kontumik nutaamik pilersitsiniarsaralutit, ROFUS-imi nalunaarsorsimanersutit aningaasanoorutinik neqerooruteqartartup takussavaa.
- Ornigulluni aningaasanoortarfimmut iserniarsariguit, ROFUS-imi nalunaarsorsimanersutit aningaasanoortarfiup takussavaa.
- Danmarkimi pisiniarfinnukarlutit eqquiniaanermik pisiniarsariguit, ROFUS-imi nalunaarsorsimanersutit tuniniaasartup takusinnaassavaa.
- Aningaasanoortartuminnut ussassaarutinik nassiussinnginnerminni.
Taamaallaat pisuni taakkunani aningaasanoorutinik tuniniaasartut nalunaarsortissimanerpit takunissaanut periarfissaqarput.
Ataavartussamik mattunneqarneq aallaaviatigut naassaanngitsumik sivisussuseqarpoq.
Ataavartussamik mattunneqarnermi ukioq ataaseq ullullu arfineq-marluk pituttorfigineqarput. Ukioq ataaseq qaangiuppat nalunaarsorsimanerit peeqqullugu Spillemyndigheden qinnuigisinnaavat.
ROFUS-imi nalunaarsortinneq pisussaaffiliivoq. Nalunaarsorsimanerpit atorunnaarsinneqarsinnaannginnera ROFUS-imi nukittoqutaavoq – aamma peqqissimileraluaruilluunniit.
Mattutsikkallarsimaguit, piffissaq toqqarneqartoq naappat nalunaarsorsimanerit ingerlaannartumik atorunnaassaaq.
Ataavartussamik mattunneqarnissaq toqqarsimagukku, ROFUS-imi nalunaarsorneqareernermiit siusinnerpaamik ukiup ataatsip qaangiunnerani nalunaarsorneqarnerit peertinniarlugu Spillemyndigheden qinnuiginissaanut periarfissaqarputit. MitID atorlugu ROFUS-imut iserlutit taamaaliussaatit.
Sivikinnerpaamik ullut 7-it sivisunerpaamillu ullut 30-t qaangiuppata ROFUS-imut iserlutit qinnuiginninnerit uppernarsassavat.
Kinaanerlutit allatatit qulakkeersinnaassagatsigu, taamaalillutalu ilumuunngitsunik nalunaarsuinnginnissamut, ROFUS-imi nalunaarsortileruit MitID atussavat. Tamanna aamma isumaqarpoq ROFUS-imi ilinnuinnaq tunngasumik nalunaarsortissinnaasutit.
MitID piginngikkukku immersugassaq nr. 9-01 immersorsinnaavat aammalu uagut attaveqarnissamut immersugassaaterput atorluguimaluunniit nassiussinnaavat imaluunniit uunga:
Spillemyndigheden
Lerchesgade 35, 6
5000 Odense C
Denmark
ROFUS-imi ataavartussamik mattunneqarnissaq toqqarsimagukku, aningaasanoorutinik tuniniaasartut ataavartussamik mattunneqarnerit paasigunikku, aningaasanoornermut kontuit matunissaa ingerlaannartumik isumagissavaat aammalu aningaasanik uninngasuuteqarsimaguit taakkua ilinnut tunniutissallugit. Tamanna pisinnaavoq, assersuutigalugu mattunneqarsimanerni aningaasanoornermut kontornut iserniarsariguit.
Mattunneqarallarnissamut nalunaarsortissimaguit, kontut unitsikkallarneqassaaq. Aningaasanik tunniussititserusukkuit, aningaasanoorutinik tuniniaasartoq attaveqarfigissavat.
Aningaasanoorutinik tuniniaasartup nammineq nittartagaani aningaasanoorutinik tuniniaasartumit aalajangersimasumit ataatsimit mattutsissinnaavutit. Aningaasanoorutinik tuniniaasartuni ataasiakkaani piffissat mattunneqarfiusartut pillugit annertunerusut atuarsinnaavatit. Ataavartussamik mattutsikkuit, aningaasanoorutinut kontut matuneqassaaq.
Aamma aningaasanoortarfimmit aalajangersimasumit ataatsimit mattutsinniarlutit toqqarsinnaavat. Qanoq mattutsissanerlutit paasiniarlugu aningaasanoortarfik attaveqarfigiuk.
Aningaasanoorutinik tuniniaasartoq pineqartoq attaveqarfigissavat, tassami teknikkikkut kukkusoqarsimasinnaammat.
Aningaasanoorutinik tuniniaasartut "aningaasanoornermik pinngitsuuisinnannginnermut imminut misileraat" iserfigineqarnissaanut paasissutissiisussaapput. Aamma misileraat nammineq nassaarisinnaavat uani stopspillet.dk.
Akisussaassuseqartumik aningaasanoortarnermut tunngatillugu ilitsersorneqarnissamik pisariaqartitsiguit, Spillemyndigheden-imi ikiuuttartut sianerfigineqarsinnaasut StopSpillet attavigisinnaavat oqarasuaatip normua 70 22 28 25. Paasissutissanik annertunerusunik piniarit uunga stopspillet.dk.
ROFUS-imi nalunaarsorsimanerni toqqaannartumik ussassaarutinik tigusaqartannginnissarnut aningaasanoorutinik tuniniaasartoq akisussaasuuvoq. Taamaattumik kukkuneq paasiniariarlugu aningaasanoorutinik tuniniaasartoq pineqartup attaveqarfiginissaa pingaaruteqarpoq.
Kukkunerit taamaattut pillugit Spillemyndigheden ilisimatinneqarnissani kissaatigisorujussuuaa, taamaalilluta aningaasanoorutinik tuniniaasartuni nakkutilliinitsinni tamanna ilanngussinnaassallutigu. Attaveqarnissamut immersugassaaterput atorlugu attaveqarfigisinnaavatsigut.